Read in English and Scots

Se Leabharlann Bardachd na h-Alba an t-àite as freagarraiche ann an Alba air son an leughadair chunbhalaich, an neach-rannsachaidh dhèin agus an neach a tha ag iarraidh ùine-shaor a chur seachad a-measg leabhraichean bàrdachd.

Bhon chuireadh air bonn e ann an 1984, chaidh tòrr iongantach mòr de leabhraichean a chruinneachadh, agus teipichean is bhideothan cuideachd.

Thathar a' cur cudrom air bàrdachd an fhicheadamh linn a chaidh a sgrìobhadh ann an Alba ann an Albais, an Gàidhlig's am Beurla. Tha bàrdachd Albannach bho na linntean a dh'fhalbh ri fhaicinn cuideachd, agus bàrdachd an là an-diugh bho na h-uile ceàrnaidh den t-saoghal cha mhòr. Tha an leabharlann na charthannas clàraichte, agus tha làn chead gach stòras a chleachdadh, le comhairle's fiosrachadh, gun obadh agus an-asgaidh.

Dè Tha ri Fhaighinn:

• Leabhraichean air son rannsachaidh agus air iasad
• Bàrdachd air cèiseag, CD agus bhideo
• Bàrdachd Albannach an fhicheadamh linn
• Bàrdachd an t-saoghail mhòir
• Fiosrachadh agus rannsachadh air compiutair
• Gearraidhean naidheachd
• Bàrdachd air son na cloinne
• Co-chruinneachadh siubhail
• Iasad tron phost
• Taisbeanaidhean cunbhalach
• Tachartasan Fèis Dhùn Eideann
• Irisean ùr agus seann àireamhan
• Seòmar leughaidh nam ball
• Cuairtean-tadhail air son bhuidhnean
• Cuairtlitir nam ball

Rannsaich na ceanglaichean a leanas air son tuilleadh fiosrachaidh!